ENTWO Revelasyon

 

Liv sa a te ekri yon lè kretyen yo t ap soufri gwo pèsekisyon anba wa lavil Wòm lan, poutèt konfyans yo te mete nan Jezikri, sèl Mèt yo a. Moun ki ekri liv sa a te vle bay patizan Kris yo espwa ak ankourajman pou yo te ka toujou kenbe fèm nan mitan soufrans ak pèsekisyon ki te vin pou yo.

Pi fò liv sa yon seri vizyon ak revelasyon yo bay an daki, ki vle di nan pawòl kretyen ki t ap viv nan tan sa a te ka konprann, san moun deyò yo pa t ka konprann. Pou nou menm k ap viv kounye a, gen anpil ladan yo nou pa fin rive konprann nèt. Atout nou jwenn divès vizyon ak pawoli nan liv la, se yon sèl gwo koze ki chita nan mitan tout liv la. Men koze a : Avèk jezikri, sèl Mèt nou, bout pou bout Bondye gen pou kraze tout lènmi l yo nèt, san bliye Satan. Lè sa a, l ap bay tout moun ki te kenbe fèm yo rekonpans yo, apre sa l ap fè yon lòt tè ak yon lòt syèl tou nèf.

Liv Revelasyon an fè nou konprann patizan kris yo fèt pou rekonèt gouvènman Bondye ak gouvènman lèzòm se lèt ak sitwon. Tankou Kris la, patizan li yo ap toujou anba pèsekisyon. Men, yo te mèt wè lwijanboje yo genlè vle genyen batay la, bout pou bout se Bondye k ap fè gany lan gramesi Jezikri. Sa ki te vre pou Jezikri, dr ds ki vre pou patizan l yo nan tan sa a, se sa k ap toujou vre pou yo nenpòt kilè. Se avèk bèl mesaj espwa, kouraj ak kè poze sa a Labib la fèmen. 

Plan liv la

⦁ Premye koze (1.1-8)

⦁ Premye vizyon ak lèt pou sèt legliz yo (1.9-3.22)

⦁ Woulo liv ki gen sèt sele a (4.1-8.1)

⦁ Sèt twonpèt yo (8.2-11; 11.19)

⦁ Dragon an ak de bèt yo (12-13)

⦁ Divès lòt vizyon (14-15)

⦁ Sèt gode kòlè Bondye yo (16)

⦁ Lavil Babilòn kraze, bèt la, fo pwofèt la ak Satan pèdi batay la (17.1-20.10)

⦁ Dènye jijman an (20.11-15)

⦁ Lòt tè ak lòt syèl tou nèf yo (21.1-22.5)

⦁ Dènye koze (22.6-21)

Bib la, Edisyon 1999

TOTAL: 27 liv | 260 chapit | 7962 vèsè

Depi 1 fevriye 2021
Senmak, Ayiti
Telefòn: (509) 4075-6250
Imèl: etidbiblikpesonel@gmail.com 
Blog: www.etidbiblikpesonel.blogspot.com

ENTWO Jan

Se bagay sèten, liv bòn nouvèl Jan an te ekri lontan apre lòt twa liv yo, atout nou pa ka di ki dat yo te ekri l. Men kou ou kòmanse li liv la ou wè li pa fin menm ak lòt yo, menm lè l ap rakonte sa lòt yo rakonte tou. Li bay anpil ti detay nou pa jwenn nan okenn lòt twa liv bòn nouvèl yo, tankou rankont Jezi fè ak Farizyen yo ak vizit moun peyi Lagrès yo te vin rann li. Se sèl liv sa ki rakonte dènye fwa Jezi te fè patizan l yo wè l bò lanmè Galile a, ak jan li te bay Pyè chans repare sa l te fè jou lannwit jedi pou louvri vandredi anvan l al mouri a.

Men sa ki mete liv sa a apa pa rapò ak lòt yo: li pa sòti pou l bay twòp detay sou sa Jezi fè, men li vle fè konnen ki kalite moun li ye. Depi  nan premye koze a li kanpe Jezi tankou pawòl Bondye ki la depi tout tan, ki vin moun, ki vin viv nan mitan moun sou latè. Mirak li fè  yo, se sa ki fè nou wè se pitit Bondye tout bon li ye. Lè Jezi ap pale pou l esplike sans mirak li yo, li sèvi ak anpil pawòl, tankou dlo ki bay lavi a, pen ki soti nan syèl la, limyè ki klere tout moun lan, pou fè kalite kado Bondye Bay  tout moun, ki vle di  lavi ki p ap janm fini an. Kado sa  a nou ka resevwa l  depi kounyeya sou latè depi nou aksepte Jezi pou chemen an verite a ak lavi a.

Pran chapit trèz rive chapit disèt, li bay anpil detay konsekan sou dènye ti tan Jezi pase ansanm ak patizan l yo jou lannwit yo te arete l la, bèl lapryè li te fè pou  yo nan pye Bondye ak bon pawòl ankourajaman li te di yo pou l  te  pare yo pou sa ki  ta pral rive l nan jounen vandredi an.

Se nan liv sa nou jwenn non pawòli li Jezi bay  tèt li: se mwen ki pen ki bay lavi a, limyè tout moun sou latè, pòtay pak mouton, bon gadò a. Se mwen ki gen pouvwa pou leve moun ki mouri deja yo pou m ba yo lavi ankò. Se mwen ki chemen an, verite a ak lavi a, lavi tout bon an.

Nan fen liv la, yo di nou liv la te ekri pou moun ki va li l ka  rive kwè Jezi  se moun Bondye te pwomèt li t ap voye  pou delivre moun sou latè. Depi yon moun mete konfyans li nan Jezi, li gen lavi.

Plan liv la

⦁ Premye koze (1.118)

⦁ Jan Batis ak premye disip Jezi yo (1.19-51)

⦁ Travay Jezikri nan mitan pèp la (2-12)

⦁ Dènye jou li pase lavl Jerizalèm (13-19)

⦁ Jezi leve soti vivan, li fè patizan l yo wè l (20-21)

Bib la, Edisyon 1999

TOTAL: 26 liv | 234 chapit | 7558 vèsè

Depi 1 fevriye 2021
Senmak, Ayiti
Telefòn: (509) 4075-6250
Imèl: etidbiblikpesonel@gmail.com 
Blog: www.etidbiblikpesonel.blogspot.com

ENTWO Ebre

Lè nou kòmanse li liv sa a, nou pa wè li sanble yon lèt menm. Se nan dènye fraz yo nou santi se yon lèt ki nan men nou. Daprè sa ki nan lèt la, se yon lèt yo te voye bay yon gwoup jwif ki te kretyen. Men, yo sitèlman jwenn jwif parèy yo k ap pase yo nan betiz, k ap joure, ki pa t vle wè yo, yo ta vle  pèdi konfyans yo gen nan Kris la pou yo tounen nan ansyen relijyon yo a. Lèt sa a se yon ankourajman pou jwif ki te fè yo kretyen, pou moutre yo ki jan Kris la pi bon lontan pase lalwa Moyiz la. Se li menm Kris la ki fè nou konnen ki moun Bondye ye. Koze ki nan twa premye vèsè premye chapit la se li ki tout liv la.

Men kijan koze a devlope. 

Pou kòmanse, Jezi se pitit Bondye depi tout tan. Li toujou fè volonte papa l. Avèk  soufrans lapenn li sipòte yo, li fè nou wè sa ki rele obeyi Bondye. Konsa li pi fò pase yo tout, pase pwofèt Bonye yo, pase zanj yo ki mesaje Bondye yo, pase Moyiz ak Jozye, pi fò pase ata pè ansyen kontra yo paske Bondye deklare Jezi pè depi tout tan ak pou tout tan. 

Avèk li, Bondye pase yon lòt kontra. Ofrann li fè bay Bondye a pi bon  pase ofrann towo ak kabrit yo te konn fè  anvan an, paske se tèt pa li menm li ofri. 

Lèfini se li menm ankò, granprèt ki la pou tout tan an, ki fè sèvis la. Tout moun ki mete konfyans yo nan  li delivre anba peche ak anba lanmò, yo pa pè anyen ankò. Se konsa yo jwenn nan men Kris la delivrans tout bon an. Tout sèvis ak tout ofrann bèt yo te konn fè dapre ansyen kontra a, se tankou pòtre ki te la pou ban nou davans yon lide sou sa ki ta pral rive apre a. Paske se sèlman konfyans nan Bondye ki pèmèt yon moun resevwa delivrans sa a. Istwa jwif yo plen egzanp ki moutre jan konfyans nan Bondye se bagay ki konsekan anpil.

Se poutèt sa moun ki mete konfyans yo nan Jezi se pou yo ankouraje, se pou yo kenbe fèm jouk sa kaba. Ak je yo kole sou Jezi, se pou yo mare ren yo pou yo ka sipòte tout kalite soufrans ak pèsekisyon ki ka tonbe sou yo.

Bib la, Edisyon 1999

TOTAL: 25 liv | 213 chapit | 6679 vèsè

Depi 1 fevriye 2021
Senmak, Ayiti
Telefòn: (509) 4075-6250
Imèl: etidbiblikpesonel@gmail.com 
Blog: www.etidbiblikpesonel.blogspot.com

ENTWO Women

Pòl te fè lide pase vizite manm legliz ki lavil Wòm lan sou wout li pou peyi Lespay. Li ekri yo lèt sa a pou l esplike yo kijan li menm li konprann kalite konfyans kretyen yo gen nan Bondye  ak jan pou yo mennen lavi yo. Paske, konfyans sa a se pa t bèl pawòl  nan bouch ase. Se pou yo viv li nan tout sa y ap fè. Se konsa nou jwenn nan liv sa a tout sa Pòl te mete nan lèt pou moun Galasi yo, men fwa sa a ak plis detay.

Lè li fin voye bèl bonjou pou tout moun ki nan legliz lavil  Wòm lan, li di yo jan li pa manke lapriyè pou yo. Aprè sa, li bay gwo koze ki chita nan mitan lèt la : Bòn Nouvèl Jezikri a fè nou konnen ki jan Bondye fè moun gras . Travay sa a kòmanse ak konfyans moun gen nan Bondye, li fini nan menm konfyans sa a tou.

Epi Pòl louvri sou koze a. Dènye  moun sou latè, kit jwif yo, kit moun lòt nasyon yo, yo tout bezwen byen ak Bondye ankò, paske yo tout anba chenn peche a, yo tout anba menm kondanasyon an. Men, se sèlman lè moun mete tout konfyans  yo  nan  Bondye  Bondye ka fè yo gras, se lè sa a yo jwenn delivrans y ap chache a. Se lè sa a yo ka byen ak Bondye ankò. Se travay sa menm Jezikri te vin fè.

Rive la, Pòl di ki kalite bè lavi n ap mennen ansanm ak Jezikri lè nou asepte sa Bondye fè pou nou. Moun ki mete konfyans yo konsa nan Bondye pa nan kont ak Bondye ankò. Yo menm ak Bondye vin tankou papa ak pitit. Granmesi Lespri Bondye a, yo delivre anba chenn peche ak anba pouvwa lanmò. Pran chapit senk lan rive  chapit uit, Pòl esplike rezon ki fè Bondye te  bay lalwa sou ansyen kontra a, ak ki jan pouvwa Lespri Bondye  a ap travay nan lavi moun ki kwè nan Kris la. Daprè li, nan plan travay Bondye pou tout  moun lan, si jwif yo rive  voye Jezi jete , sa tou  antre nan plan travay Bondye a. Se pòt favè Bondye a te ka louvri pou tout rès moun sou latè na Jezikri. Men, sa pa vle di Bondye pa renmen jwif yo ankò. Li toujou renmen yo. Se konsa li kwè yon lè jwif yo va  sispann  kenbe tèt ak Bondye, yo menm tou y a  asepte Jezikri.

Pou fini, yon kretyen fèt pou viv jan Bondye montre l la nan Jezikri. Poto mitan lavi a se renmen. Nan tout sa yon kretyen ap fè, se pou l moutre jan  li renmen tout moun ak renemn ki sòti nan Lespri Bondye  a.

Nan finisman lèt la, li voye mesay pou kèk moun li konnen, epi  li bay de twa pawòl pou fè lwanj Bondye. 

Sous: Bib la, Edisyon 1999

TOTAL: 24 liv | 200 chapit | 6376 vèsè

Depi 1 fevriye 2021
Senmak, Ayiti
Telefòn: (509) 4075-6250
Imèl: etidbiblikpesonel@gmail.com 
Blog: www.etidbiblikpesonel.blogspot.com

ENTWO 2 Pyè

Liv 2 Pyè a genyen 3 chapit ki bay 83 vèsè. 

⦁ Otè | Dat | Kote

Apot Pòl te ekri li nan lane 66/67 nan lavil Wòm aprè Jezikri. Li te nan prizon. Aprè youn oswa de lane libète, yo te arere Pòl yon lòt fwa ankò epi yo te egzekite li sou otorite Newon. 

⦁ Pou kilès?

Pou Timote, pitit Pòl nan lafwa.

⦁ Objektif lèt sa a

Bay Timote, responsab Legliz Efèz, ankourajman ak enstriksyon pou dènye fwa. 

⦁ Kontèks lèt la

Nan prizon an, Pòl te pou kont li, se sèlman Lik ki t ap asiste li. Nan lèt sa a, l ap bay Timote tout kalite konsèy ki ka ede li nan travay li. Pòl santi li pa lwen mouri, li sonje kalite renmen Timote gen nan kè l ak jan Timote gen konfyans nan Bondye. L ap di Bondye mèsi pou sa. L ap ankouraje l pou li pa kite soufrans ak lapèn ak moun k ap chache l kont yo dekouraje li. Tankou yon bon sòlda Jezikri, se pou l kenbe fèm nan mitan tout lafliksyon sa yo. 

Lèfini, se pa pou li lage kò l nan diskisyon ki p ap sèvi anyen, paske koze sa yo ka rive nan goumen. Se pou l veye pou l kenbe tou sa yo te montre l depi lè li te tou piti, pou l mennen bak li yon jan ki dakò ak pawòl Bondye a.

⦁ Vèsè kle

《Fè jefò pou ou ka resevwa lwanj nan men Bondye tankou yon travayè ki pa wont travay li fè, yon travayè ki fè konnen pawòl verite Bondye a jan l ye a.》( 2 Timote 2.15)

⦁ Tèm ki devlope nan lèt la

Odas, fidelite, predikasyon ak ansèyman, erè.

Vie Nouvelle

TOTAL: 23 liv | 184 chapit | 5943 vèsè

Depi 1 fevriye 2021
Senmak, Ayiti
Telefòn: (509) 4075-6250
Imèl: etidbiblikpesonel@gmail.com 
Blog: www.etidbiblikpesonel.blogspot.com

ENTWO 1 Tesalonik

Liv 1 Tesalonisyen an gen 5 chapit ki bay 89 vèsè. 

⦁ Otè | Dat | Kote

Se apot Pòl ki te ekri li nan lane 51 yo aprè Jezikri. Se youn nan premye lètl te ekri.

⦁ Pou kilès?

Pou manm Legliz nan lavil Tesalonik.

⦁ Objektif lèt sa a

Afèmi kretyen Tesalonik yo nan lafwa epi ba yo asirans Jezi ap retounen.

⦁ Kontèks lèt la

Legliz Tesalonik la te fonde 2 a 3 lane avan Pòl te ekri lèt sa a. Manm yo te bezwen gen matirite paske se te yon Legliz jèn. Te gen kèk ladan yo ki te gen vye lide sou retou Jezikri. Yo te panse Jezi t ap tounen rapid. Lanmò moun ki pwòch yo te fè yo santi yo tris, yo te santi yo nan gwo desepsyon paske Jezi pa vini avan sa. Mete sou sa, yo t ap sibi pèsekisyon.

Liv sa a merite li e etidye nan Legliz yo paske gen anpil kretyen ki pa kwè Jezi ap retounen akoz sa gen plis pase 2000 lane depi y ap anonse sa. Gen nonkwayan ki pran sa kòm eskiz pou yo pa konvèti. 

⦁ Vèsè kle

《Menm jan nou kwè Jezi te mouri epi li te leve soti vivan ankò a, konsa tou, se pou n kwè tout moun ki te gen konfyans nan li lè yo te mouri, Bondye va fè yo tounen ansanm ak Jezi.》(4.14)

⦁ Tèm ki devlope nan lèt la

Pèskisyon, ministè apot Pòl, esperans, vijilans

Vie Nouvelle

Vie Nouvelle

TOTAL: 22 liv | 181 chapit | 5882 vèsè

Depi 1 fevriye 2021
Senmak, Ayiti
Telefòn: (509) 4075-6250
Imèl: etidbiblikpesonel@gmail.com 
Blog: www.etidbiblikpesonel.blogspot.com

ENTWO 1 Timote

Liv 1 Timote a gen 6 chapit ak 113 vèsè. Se Pòl ki te ekri li nan lane 64 yo aprè Jezikri.

1. Pou kilès li te ekri?

Timote, pitit Pòl nan lafwa.

2. Objektif lèt sa a

Ankouraje epi enstwi Timote ki se yon jèn responsab Legliz.

3. Kontèks lèt la

Timote te youn nan pi fidèl kolaboratè Pòl. Pòl te voye li lavil Efèz pou konbat erè ki t ap anseye nan Legliz la. Li pwobab pou li te responsab Legliz la pandan yon ti tan. Pandan Pòl ap tann pou vizite li, li ba li konsèy pratik pou ministè li nan lèt sa a. 

4. Vèsè kle

《Pa kite pesonn pase ou nan betiz paske ou twò jenn. Men, se pou ou tounen yon egzanp pou moun ki kwè yo, nan jan ou pale, nan jan ou mennen tèt ou, nan jan ou gen renmen, nan jan ou gen konfyans, nan jan w ap mennen yon lavi ki dakò ak volonte Bondye.》(4.12)

5. Tèm ki devlope nan lèt la

Bon doktrin nan, kilt piblik, responsabilite nan Legliz, disiplin pèsonèl, konpasyon nan Legliz.

Vie Nouvelle

TOTAL: 21 liv | 176 chapit | 5793 vèsè

Depi 1 fevriye 2021
Senmak, Ayiti
Telefòn: (509) 4075-6250
Imèl: etidbiblikpesonel@gmail.com 
Blog: www.etidbiblikpesonel.blogspot.com

ENTWO Travay

 

Liv Travay la te ekri ant lane 63 ak 70 aprè Jezikri. Li gen 28 chapit ak 1007 vèsè. 

Liv Travay apot yo mache avèk liv Bon Nouvèl Lik la. Se dezyèm pòsyon travay Lik la. Ladan l, li rakonte sa ki pase apre Jezi monte nan syèl la, ki jan avèk lasistans Lespri Bondye premye patizan Jezi yo mache gaye Bon Nouvèl la depi lavil peyi jwif yo rive lavil Antyòch nan peyi Siri. 

Apre sa, avek Pòl, Bon Nouvèl Kris la gaye nan tout zòn Ti Lazi a, li fè chemen l nan peyi Lagrès jouk li rive lavil Wòm, ki lè sa a te sèl kòk chante nan tout zòn lan. Se konsa li rakonte nou kijan sosyete patizan Kris la kòmanse nan mitan jwif yo, li gaye jouk li rive louvri bra l sou latè. Liv la montre patizan Kris yo pa t soti ni pou fè dezòd nan peyi a, ni pou yo monte tèt moun sou gouvènman wa lavil Wòm lan. Mesay Kris la pa t vin ni pou kraze ni pou pran plas relijyon jwif yo osinon okenn lòt relijyon yo, men li vin bay yon satisfaksyon yo tout t ap chache bay, men yo youn pa t ka rive bay.

Nan tout moun k ap mache fè travay sa a, gen de ladan yo ki kanpe apa : se Pyè ak Pòl. Men pou di vre, moun ki responsab tout bon pou travay k ap fèt la se Sentespri Bondye a. Se li menm avèk pouvwa li, avèk asistans li, k ap dirije tout bagay. Se li k ap bay patizan Kris yo fòs kouray ak tèt ansanm nan tout sikonstans. Se li menm ki fè legliz la boujonnen toupatou sou latè, paske legliz la se yon sosyete Jezi li menm òganize, se li menm tou ki kenbe l la pou tout tan.

Nou ta ka separe Liv Travay apot yo fè twa pòsyon :

⦁ Kòmansman Legliz la nan lavil Jerizalèm

⦁ Legliz la gaye nan rès peyi Lapalestin lan

⦁ Legliz la gaye nan tout peyi ki bò lanmè Mediterane a, jouk li rive lavil Wòm. 

Men plan liv la

⦁ Patizan Kris yo ap tann Sentespri a

⦁ Dènye lòd Jezi ba yo ak pwomès li fè yo (1.1-14)

⦁ Yo mete yo lòt moun nan plas Jida (1.15-26)

⦁ Travay patizan Kris yo lavil Jerizalèm (2.1-8.3)

⦁ Travay patizan Kris yo nan peyi Jide ak nan peyi Samari (8.4-12.25)

⦁ Travay Pòl (13.28)

⦁ Premye vwayaj li (13-14)

⦁ Gwo reyinyon lavil Jerizalèm lan (15.1-35)

⦁ Dezyèm vwayaj li (15.36-18.22)

⦁ Twazyèm vwayaj li (18.23-21.16)

⦁ Pòl prizonye lavil Jerizalèm, lavil Sezare ak lavil Wòm (21.17-28.31)

Sous: Bib la, Edisyon 1999

TOTAL: 20 liv | 170 chapit | 5680 vèsè

Depi 1 fevriye 2021
Senmak, Ayiti
Telefòn: (509) 4075-6250
Imèl: etidbiblikpesonel@gmail.com 
Blog: www.etidbiblikpesonel.blogspot.com

ENTWO 2 Tesalonik

Se apot Pòl ki te ekri li nan lane 51-52 yo aprè Jezikri. Li gen 3 chapit ak 47 vèsè. 

⦁ Pou kilès?

Pou manm Legliz nan lavil Tesalonik.

⦁ Objektif lèt sa a

Retire tout konfizyon sou retou Kris la.

⦁ Kontèks lèt la

Sanble premye lèt la te boulvèse kretyen lavil Tesalonik yo plis toujou. Paske gen kèk ladan yo ki te konprann Kris la san lè pou l retounen. Yo te menm rive pa vle travay ankò, yo rete ap tann Senyè a tounen, y ap viv sou kont lòt yo. Se plis pou moun sa yo Pòl te ekri lèt sa a. (BIB LA)

Se tankou jodi a, plis ap gen pwoblèm nan monn lan, se plis kretyen yo panse Jezi prè tounen. Se sa menm ki te rive kretyen yo. Pou yo, Pòl te sanble di yo Jezi ta pral vini touswit. Akoz sa, plizyè kwayan te lage nan fè parese, nan parès sou pretèks y ap tann Jezi tounen (Vie Nouvelle).

Liv 2 Tesalonisyen an se pou tout kretyen jodi a ki pa vle travay paske Jezi ap vini. Apot la rale zòrèy yo sou sa. Se pou nonkwayan yo ki panse Bib la tolere oswa preche reziyasyon. Se Bondye ki te kreye travay, pawòl li pa ka ankouraje sèvitè li nan parès.

⦁ Vèsè kle

《Mwen mande Senyè a pou li dirije kè nou pou nou ka renmen Bondye, pou nou ka gen pasyans tankou Kris la》(3.5)

⦁ Tèm ki devlope nan lèt la

Pèsekisyon, retou Kris la, gran rebelyon an, pèseverans.

Sous: Bib la | Vie Nouvelle

TOTAL: 19 liv | 142 chapit | 4673 vèsè

Depi 1 fevriye 2021
Senmak, Ayiti
Telefòn: (509) 4075-6250
Imèl: etidbiblikpesonel@gmail.com 
Blog: www.etidbiblikpesonel.blogspot.com