ENTWO 2 Korent

Liv 2 Korent la te ekri nan lane 55-57 yo aprè Jezikri nan Masedwàn. Li gen 13 chapit ak 256 vèsè. 

Legliz Korent lan pa t manke bay Pòl tet chaje. Rrive yon lè menm sa kite rete pou Pòl pa t gen okenn rapò ak yo a pa t anyen. Gen kèk manm nan legliz la ki te soti pou kraze Pòl. Yo te menm rive di li pa t janm gen dwa pran poz apòt li. 

Nan lèt sa a, Pòl pale kare kare ak tout kè l san kache anyen. Li demaske mechan yo. Men atout li te fache a, nan tout lèt la ou santi jan Pòl te renmen moun Korent yo ak jan li te sèten moun Korent yo renmen l tou.

Aprè premye ti koze Pòl toujou renmen fè a, li pran pale sou rapò li ak legliz Korent lan. Li esplike poukisa li te oblije rèd ak yo lè li te tande kantite koze yo t ap bay sou do li. Kouneya li kontan wè se pa t pou granmesi li te move jan l te move a paske sa te pèmèt moun legliz Korent yo te wè tò yo pou yo te sa rebyen ak li ankò. 

Nan mitan tout gwo kont sa a, moun legliz Korent yo te bliye lòt frè yo. Se konsa Pòl rele dèyè yo ankò pou yo voye sekou bay frè ki nan peyi Jide yo. Aprè sa, nou jwenn pati kote Pòl ap defann tit apòt li devan moun ki t ap di li pa t yon apòt tout bon. Se menm moun sa yo ki t ap fè tèt yo pase pou bon apòt, lèfini ki t ap chache pran tèt kretyen lavil Korent yo pou yo rayi Pòl. 

Dènye koze a tou kout, men Pòl mete tout kè l ladan l.

Men plan liv la

⦁ Premye koze (1.1-11)

⦁ Pòl ak legliz lavil Korent lan  (1.12-7.16)

⦁ Ofrann pou kretyen peyi Jide yo    (8-9)

⦁ Pòl ap defann tit apòt li (10.1-13.10)

⦁ Denye koze  (13.11-14)

Bib la, Edisyon 1999

TOTAL: 18 liv | 139 chapit | 4626 vèsè

Depi 1 fevriye 2021
Senmak, Ayiti
Telefòn: (509) 4075-6250
Imèl: etidbiblikpesonel@gmail.com 
Blog: www.etidbiblikpesonel.blogspot.com