Liv 2 Timote a gen 4 chapit ak 83 vèsè. Apot Pòl te ekri li nan lane 66/67 nan lavil Wòm aprè Jezikri. Li te nan prizon. Aprè youn oswa de lane libète, yo te arere Pòl yon lòt fwa ankò epi yo te egzekite li sou otorite Newon.
1. Pou kilès li te ekri?
Pou Timote.
2. Objektif lèt sa a
Bay Timote, responsab Legliz Efèz, ankourajman ak enstriksyon pou premye fwa.
3. Kontèks lèt la
Nan prizon an, Pòl te pou kont li, se sèlman Lik ki t ap asiste li. Nan lèt sa a, l ap bay Timote tout kalite konsèy ki ka ede l nan travay li. Pòl santi li pa lwen mouri, li sonje kalite renmen Timote gen nan kè l, ak jan Timote gen konfyans nan Bondye. L ap di Bondye mèsi pou sa. L ap ankouraje l pou l pa kite soufrans lapèn ak moun k ap chache l kont yo dekouraje li. Tankou yon bon sòlda Jezikri, se pou l kenbe fèm nan mitan tout lafliksyon sa yo. Lèfini, se pa pou li lage kò l nan diskisyon ki p ap sèvi anyen, paske koze sa yo ka rive nan goumen. Se pou l veye pou l kenbe tou sa yo te montre l depi lè li te tou piti, pou l mennen bak li yon jan ki dakò ak pawòl Bondye a.
4. Vèsè kle
《Fè jefò pou ou ka resevwa lwanj nan men Bondye tankou yon travayè ki pa wont travay li fè, yon travayè ki fè konnen pawòl verite Bondye a jan l ye a.》( 2 Timote 2.15)
5. Tèm ki devlope nan lèt la
Odas, fidelite, predikasyon ak ansèyman, erè.
Sous: Bib la | Vie Nouvelle
 |
| Depi 1 fevriye 2021 Senmak, Ayiti Telefòn: (509) 4075-6250 Imèl: etidbiblikpesonel@gmail.com Blog: www.etidbiblikpesonel.blogspot.com |
Aucun commentaire:
Enregistrer un commentaire