ENTWO 1 Pyè

 

1. Otè | Dat | Kote 

Se apot Pyè ki te ekri li ant lane 62 ak 64 aprè Jezikri nan lavil Wòm. 

2. Pou kilès? 

Apot la te ekri lèt sa a pou kretyen jwif yo te chase lavil Jerizalèm epi ki te gaye toupatou nan zòn nò Ti Lazi. 

3. Objektif lèt sa a 

Ankouraje kretyen ki nan soufrans akoz lafwa yo. 

4. Kontèks lèt la 

Li pwobab pou Pyè te lavil Wòm lè te gen pèsekisyon sou anperè Neron. Moun ki te kwè nan Kris yo te nan pwoblèm, yo te konn fè yo pase mizè, tiye yo akoz lafwa yo. Sa ta pral fè manm legliz Jerizalèm nan dispèse. Se nan epòk sa yo te egzekite apot Pyè. Ebyen, li ekri kretyen yo pou fè yo sonje jan Bondye te delivre yo. Li te vle fè yo konnen soufrans yo pou Kris se yon benediksyon. Alafen, y ap jwenn rekonpans. Se yon liv pou tout kretyen k ap soufri akoz lafwa yo dwe li e etidye paske trè souvan pè soufri konn fè kretyen yo kite levanjil menm jan Jezikri te eksplike sa nan parabòl nonm ki t ap simen an (Matye 13.20-21). 

 5. Vèsè kle 

《Paske, konfyans nou se tankou lò li ye. Yo blije pase lò a, ki yon bagay perisab, nan dife pou wè si l bon. Konsa tou, konfyans nou ki gen plis valè pase lò a gen pou pase anba eprèv tou, pou nou ka resevwa lwanj, onè ak respè lè Jezikri va parèt》(1.7) 

6. Tèm ki devlope nan lèt la 

Delivrans (salut), pèsekisyon, fanmi Bondye, lavi nan fanmi, jijman

TOTAL: 13 liv | 76 chapit | 2550 vèsè

Depi 1 fevriye 2021
Senmak, Ayiti
Telefòn: (509) 4075-6250
Imèl: etidbiblikpesonel@gmail.com 
Blog: www.etidbiblikpesonel.blogspot.com