ENTWO Galat

Liv Galat la gen 6 chapit ak 149 vèsè. Se apot Pòl ki te ekri li nan lane 49 yo aprè Jezikri. Lè sa, li te lavil Antyòch avan Konsil Jerizalèm nan ki te fèt lan 50 aprè Jezikri.

1. Pou kilès li te ekri?

Manm Legliz Sid nan Galasi apot Pòl te fonde pandan premye vwayaj misyonè li.

2. Objektif lèt sa a

Voye jete pwennvi jwif yo ki te vle fè kwè kretyen ki pa jwif yo te dwe soumèt anba lalwa jwif yo pou yo sove epi raple kretyen yo se lafwa ki sove yo, yo lib nan Kris, yo pa sou lalwa ankò.

3. Kontèks lèt la

Nan Legliz Primitiv te gen anpil deba sou lalwa Moyiz la ant kretyen jwif ak lòt kwayan ki soti nan lòt peyi. Pwoblèm sa a t ap ravaje Legliz Pòl te fonde pandan premye vwayaj misyonè li. Ebyen, li ekri kretyen Galasi yo pou li trete pwoblèm sa a. Pwoblèm nan ta pral rezoud nan Konsil Jerizalèm ant reponsab yo. Tout moun ki kwè lalwa ka sove yo ta dwe li Liv Galat la pou dekouvri lafwa (Abraam) te la avan lalwa (Moyiz). Si lalwa te ka sove nou, Jezi pa t ap bezwen vin mouri.

4. Vèsè kle

《 Se pou n te ka lib tout bon kifè Kris la te delivre nou. Se poutèt sa, ann rete fèm nan libète sa a. Veye kò nou pou n pa tounen esklav ankò.》(Galat 5.1).

5. Tèm prensipal ki devlope nan lèt la

Lalwa, lafwa, libète, Sentespri. 

Sous: Bib la | Vie Nouvelle

TOTAL: 15 liv | 106 chapit | 3850 vèsè

Depi 1 fevriye 2021
Senmak, Ayiti
Telefòn: (509) 4075-6250
Imèl: etidbiblikpesonel@gmail.com 
Blog: www.etidbiblikpesonel.blogspot.com