ENTWO 3 Jan

 

⦁ Otè | Dat | Kote

Se apot Jan ki te ekri lèt sa a prèske nan menm peryòd ak 1 Jan, nan ane 90 yo aprè Jezikri, nan lavil Efèz. 

⦁ Objektif lèt sa a

Se te pou fè lwanj pou Gayis ki te konn resevwa moun. Apot Jan te vle ankouraje li nan lavi l ap mennen nan Kris la.

⦁ Pou kilès ?

Apot la te ekri lèt sa voye bay Gayis ki se yon kretyen otantik, yon nonm espirityèl li te konnen ak renmen anpil. Pakont, gen 2 lòt frè ki site nan lèt la ki se Demetriyis, yon nonm devwe, ak Dyotrèf ki egoyis ak mechan. "...Gayis te yon chèf osinon yon grannèg nan yon legliz. Se tankou yon lèt yon papa voye bay pitit li. Li fè Gayis konpliman pou pou jan li ede frè kretyen yo. Lèfini, li mande l pou l pran prekosyon avèk Dyotrèf, yon monm ki te soti pou bay legliz la traka." (Bib La)

⦁ Kontèks lèt la

Anpil lidè kretyen t ap vwayaje soti nan yon vil ale nan yon lòt pou fonde lòt legliz. Vwayajè sa yo te sou kont frè ki te konn resevwa moun paske yo se kretyen. Gayis te youn ladan yo. Se yon liv pou tout kretyen ki konn resevwa moun lakay yo ka li pou yo ka jwenn ankourajman.

⦁ Vèsè kle

《Zanmi mwen, tou sa w ap fè pou frè yo, menm pou frè etranje yo tou, ou fè l bye》(3Jan 5)

⦁ Tèm ki devlope nan lèt la

Konn resevwa moun (ospitalite), Ògèy, Fidelite. 

TOTAL: 2 liv | 2 chapit | 28 vèsè

Depi 1 fevriye 2021
Senmak, Ayiti
Telefòn: (509) 4075-6250
Imèl: etidbiblikpesonel@gmail.com 
Blog: www.etidbiblikpesonel.blogspot.com