⦁ Otè | Dat | Kote
Se apot Pòl ki te ekri li nan lane 61 yo aprè Jezikri. Lè sa, Pòl te lavil Wòm antanke prizonye.
⦁ Pou kilès ?
Kretyen nan lavil Filip.
⦁ Objektif lèt sa a
Pòl te ekri kretyen Filip yo pou remèsye yo pou don yo te voye ba li. Li te vle fòtifye yo tou pandan li t ap montre yo lajwa veritab la pa soti lòt kote pase nan Jezikri.
⦁ Kontèks lèt la
Se nan dezyèm vwayaj misyonè li Pòl te fonde legliz Filip la ki te premye legliz nan kontinan Ewòp (Travay 16.11-40). Manm legliz la te voye don ba li. Se Epafwodit ki te pote li. Pou sa, Pòl te ekri lèt sa pou remèsye yo epi ankouraje yo nan lafwa.
⦁ Vèsè kle
《Se pou nou toujou kontan nan lavi n ap mennen ansanm nan Seyè a. M ap repete l ankò: Fè kè nou kontan anpil.》(4.4)
⦁ Tèm ki devlope nan lèt la
Imilite, sakrifis pèsonèl, inite, lavi kretyen an, lajwa.
Sous: Bib la | Vie Nouvelle
 |
| Depi 1 fevriye 2021 Senmak, Ayiti Telefòn: (509) 4075-6250 Imèl: etidbiblikpesonel@gmail.com Blog: www.etidbiblikpesonel.blogspot.com |
Aucun commentaire:
Enregistrer un commentaire