ENTWO 1 Jan

 

Otè | Dat | Kote

Se apot Jan ki te ekri li ant lane 85 e 90 aprè Jezikri nan lavil Efèz.

⦁ Pou kilès ?

Apot la pa mansyone moun li voye lèt sa a bay. Plizyè legliz te resevwa li. 

⦁ Objektif lèt sa a

:" Lèt sa a soti pou demanti de pawòl mantò ki t ap boulvèse patizan Kris yo lè sa a, de vye lide moun peyi Lagrès yo te genyen nan tèt yo." (Bib la)

⦁ Kontèks lèt la

Nan epòk lèt sa a te ekri, Jan te gentan granmoun. Li se dènye apot ki te rete e li pa t ko pran egzil sou zile Patmòs la. Pwiske li te viv ak Jezi, li te wè tout mirak li yo, w ap remake nan lèt la, li pale ak otorite pou li asire kretyen yo nan sa yo kwè (Vie Nouvelle). 

Apot la mete anpil aksan sou mo "renmen" an paske se sa ki te fè Jezi vin nan lachè pou montre kòman sa dwe fèt. Konsa, nenpòt moun ki pa ka renmen, li pa pitit Bondye. Nan chapit 4.20 an, rayi yon frè, yon sè ou ka wè se prèv ou nan manti paske Bondye ou renmen an pa vizib. Kidonk, renmen se pi gwo prèv yon kretyen pou jistifye lafwa li.

Daprè Jan, se swa ou se pitit Bondye ou pa. Zak ou ap pwouve li.

⦁ Vèsè kle

《M ap ekri nou lèt sa a, nou menm ki kwè nan Pitit Bondye a pou nou ka konnen nou gen lavi ki p ap janm fini an》(5.13)

⦁ Tèm ki devlope nan lèt la

Peche, renmen, fanmi Bondye a, verite, erè, sètitid. 

 TOTAL: 7 liv | 16 chapit | 449 vèsè

Depi 1 fevriye 2021
Senmak, Ayiti
Telefòn: (509) 4075-6250
Imèl: etidbiblikpesonel@gmail.com 
Blog: www.etidbiblikpesonel.blogspot.com