ENTWO Mak

 

Tout moun dakò pou konsidere liv Bòn Nouvèl Mak ekri a pou premye nan kat liv Bòn Nouvèl yo ki te ekri. Konsa, ni Matye ni Lik te konnen l, yo te sèvi avè l. Liv Mak la se liv pi kout nan kat liv yo. Li ouvri ak pawòl sa yo : Men kòmansman Bòn Nouvèl Jezikri, pitit Bondye a. 

Li kanpe nou Jezi tankou yon moun ki pa nan pale anpil, se fè li vin fè avèk otorite sou li. Liv la fè nou wè Jezi gen dwa fè sa l ap fè a. 

Jezi rele tèt li moun Bondye voye nan lachè a, moun ki vin bay lavil pou li delivre pèp la anba chenn peche. Men Bondye rele l « Pitit mwen renmen anpil la ». Move lespri yo rekonèt se pitit Bondye li ye. Lè yo t ap jije l la, granprèt la te mande l si se moun Bondye chwazi a, pitit Bondye beni an, li ye . Li reponn : « wi se ou ki di l ». 

Se konsa Mak rakonte istwa lavi Jezi a san twòp detay sou kote. Li fè nou wè Jezi pa janm chita, li toujou gen kichòy lap fè. Li kòmanse ak yon ti koze tou kout sou Jan Batis, sou batèm Jezi nan larivyè Jouden an ak demele l nan dezè a ak Satan. Lèfini, lanmenm li pran pale sou jan Jezi ap geri moun malad, jan l ap mache moutre moun yo anpil bagay. 

Jou ap pase, chak jou patizan l yo ap konprann pi byen ki moun li ye. Lènmi l yo menm se rayi yap rayi l pi plis. Nan dènye chapit yo Mak rakonte nou sa ki pase nan dènye semenn Jezi pase sou latè, jan yo kloure l sou kwa a jouk lè li leve sòti vivan nan lanmò. 

  MEN PLAN LIV LA

⦁ Kòmansman bòn nouvèl la (1.1-13)

⦁ Travay Jezi fè nan mitan pèp Galile a (1.14-9.50)

⦁ Sòti Galile Jezi desann lavil Jerizalèm (10)

⦁ Dènye senmèn li pase lavil Jerizalèm (11-15)

⦁ Jezi leve sòti vivan nan lanmò (16.1-8)

⦁ Li fè disip li yo wè l, li moute nan syèl (16.9-20)

Bib la, Edisyon 1999

 TOTAL: 10 liv | 64 chapit | 2295 vèsè

Depi 1 fevriye 2021
Senmak, Ayiti
Telefòn: (509) 4075-6250
Imèl: etidbiblikpesonel@gmail.com 
Blog: www.etidbiblikpesonel.blogspot.com