ENTWO Jid

 

⦁ Otè | Dat | Kote

Se Jid, frè Jezi ak Jak, ki te te ekri liv Jid la nan lane 65 yo aprè Jezikri.

⦁ Objektif lèt sa a

Raple kretyen yo pou yo rete vijilan pou yo ka kenbe fèm nan lafwa yo kont fos doktrin. Jid te gen anpil sousi pou apostazi ki te vle genyen legliz la. Li t ap di kretyen yo pran prekosyon ak moun k ap pran pòz konnen yo.

⦁ Pou kilès li te ekri?

Jid te ekri lèt sa a pou jwif ki te konvèti nan krisyanis yo.

⦁ Kontèks lèt la

Te gen yon seri mesye ki te montre yo te sèvitè Bondye alòske se enmi lakwa yo te ye. Jid te bay tèt li misyon pou demaske trèt sa yo epi pale sou kòman yo gen pou fini.

Yon aposta, se pa yon moun ki deyò legliz. Se yon moun ki di li se kretyen alòske li poko fèt yon dezyèm fwa, li pa gen Lespri Kris la nan li (Jan 3.3,6, Women 8.9). Li ka manm legliz, l ap jwi anpil privilèj epi li chite aprè yon tan. An reyalite, yon aposta pa t janm konvèti, li te tankou yon enpostè. Nan finisman, l ap montre kilès li ye men se pa yon manm ki te sove epi ki pèdi. (Commentaire Biblique du Disciple, NT). 

Legliz jodi a dwe konbat kalite manm sa yo ki vle detounen verite a, kanpe anfas lakwa, fè fo diskisyon, kreye eskandal legliz, preche fos doktrin. Fas ak apostazi a, kretyen an gen wòl li ki se kenbe, defann, preche verite a. Li pa dwe abandone.

⦁ Vèsè kle 

《Zanmi m yo, mwen pa t manke anvi ekri nou pou m te pale nou sou jan Bondye delivre nou tout ansanm lan. Men, m blije ekri nou koulye a pou mwen kapab ankouraje nou, pou nou pran defans lafwa Bondye te bay yon sèl fwa pou tout tan an, pou tout moun pa l yo.》(Jid 3)

⦁ Tèm ki devlope nan lèt la

Fo anseyan ak apostazi.

 TOTAL: 3 liv | 3 chapit | 53 vèsè

Depi 1 fevriye 2021
Senmak, Ayiti
Telefòn: (509) 4075-6250
Imèl: etidbiblikpesonel@gmail.com 
Blog: www.etidbiblikpesonel.blogspot.com